Harvst


Harvst is 't weer, dat kannst du averall sehn,
de Bladen fallen runner van Buschk un Bööm.
De leeve Gott maal 't al in gääl.
De Sünn de schient neet mehr so völ.
De Wind de pust' di de Mütz van d' Kopp,
't is beter du söchst di 'n warmen Jopp.
De Appels un Peer'n sünd all in d' Glas,
ik kann di 't vertellen, dat maakt Spaß.
Achtern de Tuun is ok all bold kloor,
bit up de Grönkohl, de blifft noch door.
Un wenn 't denn eerst maal fresen deit,
gifft Grönkohl mit Pinkel, dat is 'n Freid.
De Sömmer is vörbi, ik bin richtig blied,
nu hemmen wi weer de gemackelke Tied.
Denn schmeckt di de Tee noch maal so good,
un ok so 'n leckern Stückje Kook.
Wenn 't buten störmt un de Regen sleit daal
un du sitzt in 'd Sofa un schukelst noch maal,
denn gah maal in di un denk nochmaal torügg,
wat hemm'n wi dat good hatt un wat sünd wi noch flügg.
Ok de Harvst mit sien Störm hett sien goode Sied,
wat is ok de Harvst doch vör 'n mojen Tied.


Johannes de Vries

Gruß Thorsten